MENGAPA GEMPA?

Oleh:Andi Nurdin.SH.
Praktisi Hukum dan advokasi LEKEM KALIMANTAN

   “Ujarnya daerah Kalimantan Selatan kada kena jalur gempa?”Tetapi kabarnya pulang di awal Desember lalu ada gempa yang maulah masyarakat nang ketakutan. Padahal mungkin Cuma 4,8 R.”Tetapi justru karena ada sms,yang mengatakan skala 7,8 R. “Maka abut ai buhannya di hulu sungai banua lima”,ujar Utuh Samar mengisah akan gempa yang datang seperti di alam mimpi nang itu.

   “Makanya jangan sekali kali mengira kalau kada kena gempa lalu ai kada lagi bahati hati,”ujar Udin Petruk.”Teori teori hukum alam kada berlaku lagi,mun kahandak Yang Kuasa, mun Sidin Yang kuasa,kaya apa?” jarnya pulang manimpali.

   “Mun manurut unda sebabnya karena doa urang nang teraniaya.”pulang si Aman Garing,menimpali jua.”Doa urang yang teraniaya memang kada kawan ditangkal, kayu ulin gin rumbih dapatnya,batu batu gin tambus,mun doa itu dilapas akan”.

   Jali Bagong yang dari tadi cuma mendengarkan akhirnya manyahut jua,”Cah,mun pejabat sudah kolusi lawan pejabat perusahaan,ngalih sudah dipadahi atawa di demo, mun pina ada rakyat nang komplain,pejabat pemerintah lawan pejabat perusahaan begabung,maka nang linyaknya bilungka jua,bilungka nang itu iya rakyat atawa masyarakat.” “Jadi pejabat nang itu kaya durian bagabung lawan pejabat per(usahaan)tiwadak lah,pas sai bilungka di bawahnya,linyak banar inya itu”, menyambut Udin Petruk. “Aku mendangar pang kaya itu,kayanya kisahnya pina mirip mirip lawan Israel wan Palestina,tanahnya rancak di ambil jar,guna pelebaran wilayah”.

   Utuh Samar lalu ai manimpali,”Mun kajadian kaya gempa nang ini,kejadiannya aneh,apa mun kira kira masalah hukumnya jua pina rahasia banar,cuma rahasia umum,jadi pina ngalih saksinya.Tapi kan cukup ajalah Allah SWT sebagai saksi,nang kaya ayat 79 An Nisaa nang itu, di dalam Al Qur’an”,Udin Samar memulai ceramahnya. “Apa mun sebenarnya jangan sampai pang mestinya rakyat nang jadi bilungka atawa jadi lempengnya. Contohnya aja nang kaya misalnya MUSPIDA aja,rakyat gin kada kawa bakutik. Jadi aku kira biar nang kaya apa pun mun ngarannya dosa,itu mesti aja ada hukumannya,banyak banar jua pang kisahnya mengenai gempa di dalam Al Qur’an. Jadi kalo teori dosa nang itu, bila dosa sudah melanda sistim pemerintahan, jadinya,peringatannya iya yang kaya gempa nang itu.Padahal siapa nang salah sebujurnya? Kisah mengisah ini sebujurnya,hanyalah sebuah basa basi aja,kadada nang realita pang,cuma bisa aja jadi realita.Seperti nang kejadian di banua lima,damini banua anam kah?”

   Sambil menggaruk garuk kepalanya yang tidak gatal Utuh Samar, melanjutkan,”Nang pastinya semua manusia ini pasti mati, nang tatinggal generasi nang berikutnya.Jadi untuk generasi nang berikutnya,selamat menjalani penderitaan,akibat perbuatan urang tua masing masing. Jadi nang itu ja sudah,kalimatnya.Mun masih aja banyak nang tuli dan buta,akan hukum Islam.Banyak nang mengaku pintar sudah!. Cuma pintar membunguli,lawan pintar menipu,mun sudah jadi rantai sistim,maka ngalih banar pulang memutusnya.Mulai mana lah? Apa kira kira mulai dikenai gempa ajakah? Doa wal ai,doa urang teraniaya,nang terhimpit bumi,kada kawa ba apa apa lagi.hati hatilah! Lawan doanya.kita barata an nang kana musibahnya? Hukum agama wal ai jangan dipermainkan,ini wilayah hukum paqih, aku ini hanyalah bagian urang nang menyampai akan aja.Mun itu jua pilihan pian,artinya api neraka,terserah aja”.

  

   Sambil menggaruk garuk kepalanya yang tidak gatal Utuh Samar, melanjutkan,”Nang pastinya semua manusia ini pasti mati, nang tatinggal generasi nang berikutnya.Jadi untuk generasi nang berikutnya,selamat menjalani penderitaan,akibat perbuatan urang tua masing masing. Jadi nang itu ja sudah,kalimatnya.Mun masih aja banyak nang tuli dan buta,akan hukum Islam.Banyak nang mengaku pintar sudah!. Cuma pintar membunguli,lawan pintar menipu,mun sudah jadi rantai sistim,maka ngalih banar pulang memutusnya.Mulai mana lah? Apa kira kira mulai dikenai gempa ajakah? Doa wal ai,doa urang teraniaya,nang terhimpit bumi,kada kawa ba apa apa lagi.hati hatilah! Lawan doanya.kita barata an nang kana musibahnya? Hukum agama wal ai jangan dipermainkan,ini wilayah hukum paqih, aku ini hanyalah bagian urang nang menyampai akan aja.Mun itu jua pilihan pian,artinya api neraka,terserah aja”.